Katy Perry, a Lezploitator?

katy-perry_21_banner

Et gesäit aus wéi wa mer nach eng kéier iwwert d’Katy Perry schwetze mussen. Hat war, wéi mer all wëssen, um Rock Werchter souwéi och an der Rockhal. Jo, d’Concert’e ware gudd, mee do bleift nach déi Saach mat den Texter. “Ur so gay” an och “I kissed a girl and I liked it” hu souwuel d’Kierch wéi och d’Gay-Community verstéiert. Mir maachen eng (kleng) Analys.


DISCLAIMER: An dësem Artikel stinn Ugabe vu Major-Labels an Interview-Fetzen déi méiglecherweis aus dem Kontext gezu gouffen. Major-Labels sinn, wéi mer wësse, schlecht, zerstéierësch a béis. D’Katy Perry ass just d’Front-Element vun enger Maschinerie a sollt emmer als solches analyséiert ginn.

D’Katy huet an de leschten zwee Joer ënnert aanerem bei de Brit Awards wéi och bei den MTV Awards ofgeraumt. Ah jo, säin Album “One of the boys” krut Platin. Business-technësch ass et also gudd derbäi. Dee Mainstream-Succés verdankt et och guddem Timing a präziser Image-Produktioun. Vu séngem Manager Bradford Cobb wësse mer aus engem Billboard-Interview dass hat béi séngem éischte Major-Label Columbia nët séng Visioun konnt duerchsetzen an dat opwuel säin Album schon zu 80% produzéiert war. Séng Carrière war zu deem Zäitpunkt en héichprozentege Fail. Zwee kléng Labelen an ee Major wollten näischt méi vun ëm wëssen. Du koum Capitol Records.

Bei Capitol krut hat keng kreativ Grenze gesat. Nët ze vergiessen dass et fir all Lidd wéinstens Co-Credits krut wat also bedeit dass et iwwerall opmanst matgeschriwwen huet. Am November 2007 ass de Marketing lass gaang an dat mat dem Video fir “Ur so gay”. Och koum eng digital EP raus mat där online d’Buzz-Machine ugefeiert gouff; dat huet geklappt:”It started getting passed around and really took off when Blender reported on it and Madonna said she liked it.

Wéi gesot, dat war Enn 2007. Schon e bëssen iwwerraschend dass Capitol him mat deem CV e Blanko-Scheck ausstellt. Parallele mam Lily Allen goufe spéitstens public wou die zwee sëch an transatlantëschem pseudo-Sträit verwéckelt hunn. Mee genuch Wierder doriwwer, mer sinn hei net beim NME.

Also, homophob?

Wourop mer jo eigentlech aus waren ass eng Äntwert op d’Fro: Homophob Texter oder nët? Bei “Ur so gay” ass dat schnell beäntwert. An engem Interview mat dem Blog the new gay seet hat:”It’s not a negative connotation. It’s not “you’re so gay,” like “You’re so lame,” but the fact of the matter is that this boy should’ve been gay. I totally understand how it could be misconstrued or whatever. The video we did a while ago on a budget of little to nothing, it paints that same picture.” Hat hëllt kloer Positioun a fügt bäi: “My closest friends happen to be gay… I came from a very strict household, where any of that taboo stuff was wrong. I don’t say I hate where I came from, I love my parents and was happy to… have that opportunity to grow, but I came from a strict, suppressed household where that was wrong.” Kuckt ee sëch de Video un da kann ech opmanst fir mëch behaapten: verdächteg? Jo; full-frontal homophob? Nee. Gëtt awer domat gespillt? Absolut.

A bei “I kissed a girl…”, ass et do anescht? Nee. Ech gesi keng direkt homophob Textzeilen. Verdächteg ass zum Beispill dës aus dem Kontext gerappte Linn “It’s not what good girls do, not how they should behave” mee ween de ganzen Text liest wäert gesinn: Homophobie ass anescht. Wéi ass et zum Beispill mat dëser Linn: “Hard to resist, so touchable, too good to deny it” oder och “You’re my experimental game, just human nature” ? Dat kléngt dach éischter no engem natierlechen (!) Drang zum gläiche Geschlecht. Dat kléngt éischter no agebauter Funktioun wéi Perversioun. Soit, mer kéinte paragraphelaang semiologësch Diskussiounen iwwert di 24 Text-Zeilen hale mee dat maache mer nët. Mir sinn hei ëmmer nach an der Pop-Welt, do sollt een nët ze wäit siche goen.

Shock and awe

De ganze Song ermontert zur gläichgeschlechtler Knutscherei, d’Protagonistin schwäermt vu séngem deviante Verhalen (deviant aus der Siicht vun enger heterosexueller Fra) an hofft dass säi Frënd domat kloer kënt. Schlussendlech geet et ëm näischt méi wi d’Brieche vun engem Tabu an dat ass sou al wéi d’Popgeschicht selwer; dass een domat richteg vill Ö’e maache kann ass mindestens genau soulaang gewosst.

Lesbescht (Party-)Gefummels als Sujet vun engem Pop-Lidd ass mëttlerweil méi als Verkafs-Argument, jo souguer als Business Model vu ganze Muséksprojet’en ze gesinn (cf. Madonna/Britney; t.A.T.u.). Dem Katy Perry säi Papp ass Paschtouer, hat selwer kënt riwwer als eng liicht moderniséiert Versioun vun enger jonker Hausfra aus de 50’er. Schéi mee an den 00’er Joeren nët intressant genuch fir dem Mainstream ze gefalen. D’Konzept Katy Perry brauch Schock-Potenzial, et brauch Drama; virun allem vis-à-vis vun der stets provozéierbarer Konkurrenz aus good ole’ England, dem Lily. Do kënt déi ganz “Lesbe-Saach” grad richteg. Säin Image funktionéiert an et gëtt Tonne Buzz generéiert. Dee Blanko-Scheck vu Capitol, vir dee gëtt et schliisslech e Grond.

Dofir dass semi-latent Homosexualitéit dofir benotzt gëtt séng Placken ze verkafe kann een hat veruerteelen. Dat ass, aus ménger Siicht, falsch. Mee, traureg wéi et ass, an der Welt vun der Popmusék huet ee scho Schlëmmeres gesinn. Homophobie nee, opmanst nët direkt. Lezploitation? Absolut. Op dat manner schlëmm ass? Dat muss eise Philos-Büro entscheeden. Ech schléissen of mat de weise Wierder vum Beth Ditto: “To her, it’s just this party song. But as a gay person, it’s like, ‘Oh, of course this straight person singing about kissing a girl goes straight to Top 40 and people buy this record. Who can give a f**k about real gay people?”

Zréck op de Kierchbierg.

mg

Advertisements

3 responses to “Katy Perry, a Lezploitator?

  1. “A bei “I kissed a girl…”, ass et do anescht? Nee. Ech gesi keng direkt homophob Textzeilen.”

    merci, weinstens een deen sech och mol gedanken mescht an/oder englesch versteet.

    mee bon… geff der saach nach 6 meint dann schwetzt (pardon my french) KENG SAU mei vun desser potentieller Bi-Saengerin well mer dann dei next potentiel Bi-Saengerin ungaffen sollen.

  2. Mat “et soll een net wait siche goen” kanns de och d’Böhse Onkelz aus dem rietsen Eck huelen. Keen Argument fir sech d’Texter net méi genee unzekucken.

    Ech fannen net, daat “the fact of the matter is that this boy should’ve been gay” besser ass wéi “you’re so lame”. Et ass einfach nemmen domm mat irgendwelchen Stereotypen gespillt. En plus kann een am Nachhinein jo soen, waat een well.
    Behaapt de Le Pen net och emmer, hien hätt jüdesch Frenn? Keen Argument a mengen Aan.

    Kloer ass “I kissed a girl” net oppen homophob.
    Den Subtext ass awer: Dat ass eng onschelleg(Ain’t no big deal, it’s innocent – déi Liddzeil déi am längsten gesongen ged!) Saach wann sech Mederscher (awer nemmen déi mat meller Haut an “kissable” Lepsen!) sech kussen, op keen Fall eppes sexuelles.
    D’Gefiller vun dem Medschen sinn schaissegal, se ginn net mol erwähnt, während sech awer grouss Gedanken em de boyfriend gemaach ged.
    An ech fannen dat mat den “what good girls do” passt sech eben an een grousst Ganzt vun Negéiren vun lesbescher Sexualitéit an.

    Nee, d’Katy Perry ass net homophob. Et bleiwt awer voll an engem heteronormative Cader, an dem Bisexualitéit als “Sexulitéit” net existéiert.
    Eng Draamwelt eben. Pop eben.

    Wou ass dann elo mai Problem? Well et eben onreflektéiert ass an een wierklech vun “Lezploitation” schwätzen kann. An daat stéiert mech perseinlech.
    An jo, och Pop kann an soll een reflektéiren. Et geht net drem, Saachen net méi ze lauschtren oder sou, mä et eben reflektéiert ze maachen.

  3. Et deet mir jo ganz vill leed, mee iergendwei mengen ech dass een daat ganzt mat vill mei Humor misst huelen. Daat ganzt ass och an mengen Aen net sou krass wei ganz vill Kritiker dat gesin, an mir wessen jo datt “sex sells” (phrasenschwein, here i come). An iergendwei verstin ech souguer dass hatt sou ass wei hatt ass, wann een säin Emfeld kuckt an deem et opgewuess ass: kanner machen emmer daat am léifsten waat hinnen verbueden gouf vun hieren elteren (hei: iwer sex schwätzen zB).
    An eben genau deen saatz wou Innocent dran ass, seet dach och genau souvill “subtext” aus wei de ganzen rescht. an et muss een sech och nemmen unkucken wei hatt sech gett: emmer bessen tollpatscheg an mat mega vill humor , en charactère deen een net zu 100&% kann serieux huelen, an wou een einfach MUSS angesin dass seng texter och genau sou sin. An do kennt eppes an d’spill waat een als “refklekteierenden mesch” emmer (!) muss machen: engem mensch seng konscht (musik, film, ganz egal) emmer an den kontext vum mensch setzen. Onkelz- Lidder wäert een nie kennen ausserhalb vum riets-orientéirten Eck betruechten, Helge Schneider Lidder waert een nie serieux huelen, also firwaat Katy Perry Lidder ausserhalb vum Personnage deen hatt fir sech crééiert huet analyséieren.
    Mee gudd, an enger gesellschaft dei sech selwer als spassgesellschaft bezeechent, als oppen etc., wou all mensch oversexed mee underfucked ass, scheint daat net emmer sou kloer ze sin.

    An elo d’Météo mam Yann

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s